上網爬了很多文章，見香港人講關於去雪卵嘅文章唔多，所以想寫返一篇分享心得。
話說一直以來都好想去雪卵。我自己有好多種原因，其中之一就係年紀差不多啦（已經三十XX歲，卵巢係三十五歲之後生育能力會直缐下降，無論有冇拍拖，雪卵係一個你將來唔會後悔嘅保險），去雪卵係一個好好嘅後備方案。之後上網做咗好多調查，雪卵已經係一個好common嘅做法。好多明星例如蔡卓妍、容祖兒、林志玲都一早雪定卵，到你去40歲嘅時候都唔怕冇仔生。不過雪定卵唔等如冇高齡產婦嘅問題，例如妊娠有關嘅病丶高血壓丶糖尿等等高齡產婦嘅問題都仍然會存在。所以高齡嘅時候都係陀B都有機會唔穩，有機會流產。但至少你到40歲嘅時候可以用返30幾歲嘅卵子，會減少卵子異常嘅情況，例如唐氏綜合症或者低智商咁。
題外話就唔講咁多啦，比較過香港丶台灣丶內地嘅療程，香港嘅比較貴，要成六至七萬蚊港紙，大陸嘅就唔係好有信心，最終就揀咗台灣大概四萬蚊港紙連埋機票住宿五萬蚊。始終係香港雪卵唔係一個好common嘅做法，所以香港我做research嘅時候就唔係好多選擇，除非你係原先有不孕或者危疾等等嘅問題就可以幫你雪定卵先。但係對比台灣，佢哋已經有未婚借卵嘅服務（醫院會比番9 萬9 仟個借卵女仔）所以我能找到很多台灣女生網上寫雪卵過程。
之後再等我慢慢講返個過程，香港人過去台灣同台灣本土人個過程都好唔同，時間丶金錢都好緊要。香港人要特登飛去台灣，而且又要就啱月經時間，所以而家嘅台灣醫院有一啲特別方案比外國人去做呢個雪卵嘅療程
