香港人去雪卵（五）

等我跳一跳個章節先，因為今日開始咗打針嘅第一日。

成個療程其實係計你由月經開始計嘅曰子作為記錄。Day 3你要打第一支排卵針。今次因為我嘅AM H值都唔算太少，加上我衣啲外地個案，所以醫生開咗一支特效持久針叫Elonva，打一支等於打七支短效（短效一支一日），咁當然一支特效嘅唔平，成$5000港紙。但我覺得值得嘅因為可以打少好多支針。

支特效就係以下圖咁樣，係月經第三日早上打，跟住youtube 打，我開頭以為好難但係其實好易上手，打落去完全唔痛，可能因為肚嘅脂肪比較多😳。打完之後記得一日之內要飲2000 mL水。之後就沒完全冇咩特別野。

話說送子鳥其實都幾現代化，佢會用一個Apps去記錄低你邊日要做啲乜嘢。當日我去完台灣之後，我嘅療程就開始左啦。Apps裏面會記低你嘅檢驗報告，例如我第一次驗AM H嘅時候嗰份報告會上載去佢哋個Apps，跟住之後當日我去台灣攞藥劑嗰日嘅抽血檢查，佢地亦都會上咗去個Apps度。所有野都一目了然。